सोलापूर : येथील नामवंत निरोसर्जन डॉक्टर शिरीष वळसंकर यांनी डोक्यात गोळी झाडून आत्महत्या केली होती त्यांच्या या आत्महत्येस कारणीभूत असणाऱ्या एका महिलेला पोलिसांनी रात्री अटक केली आहे.
पोलिसांनी अटक केलेल्या महिलेचं नाव मनिषा मुसळे-माने असं आहे. सदरील महिला डॉक्टर वळसंगकर यांच्याच रुग्णालयामध्ये प्रशाकीय अधिकारी आहे. या महिलेमुळेच आत्महत्या केल्याचं प्रथमदर्शनी पुढे येत आहे. या प्रकरणी रात्री उशिरा मुसळे यांच्यावर गुन्हा दाखल करण्यात आलेला आहे.
डॉक्टर शिरीष वळसंकर यांनी लिहिलेल्या चिठ्ठीमध्ये म्हटलंय की, ज्या महिलेला आयुष्यात उभं केलं, प्रशासकीय पदाची सूत्रं दिली त्याच महिलेने माझ्यावर घाणेरडे आरोप केले. हे आरोप सहन होत नाहीत त्यामुळे मी जीवन संपवत आहे.
ही चिठ्ठी पोलिसांच्या हाती लागल्यानंतर मनिषा मुसळे-माने या महिलेविरोधात आत्महत्येस प्रवृत्त केल्याप्रकरणी गुन्हा नोंद करण्यात आला.
डॉक्टर तणावाखाली हाेते
डॉ. वळसंगकरांना रुग्णालयातील सर्व आर्थिक व्यवहार हे कागदोपत्रांवरती हवे होते. त्यासाठी त्यांचा आग्रह देखील होता, पण आजकाल रुग्णांकडून उपचाराची रक्कम कोणतीही नोंद न करता स्वीकारली जात होती. यासंदर्भात त्यांनी आक्षेप नोंदवला होता. पण त्यांचं कोणी ऐकत नव्हतं. जी महिला कर्मचारी अशी रक्कम स्वीकारत होती, तिला डॉ. वळसंगकरांनी कामावरून देखील काढलं होतं. पण नंतर या महिला कर्मचाऱ्याने कामावरून काढल्यानंतर आत्महत्या करण्याची धमकी डॉक्टरांना दिली होती. तिच्या धमकीवरून डॉक्टरांना पोलिसांत तक्रार दाखल करण्याचा सल्ला दिला होता. मात्र, डॉक्टरांना ते मान्य नव्हते. या प्रकरणामुळे देखील डॉक्टर तणावाखाली गेल्याचे आणि त्यांनी असं टोकाचं पाऊल उचलल्याचीही चर्चा आहे.
-------------------------------------