कोल्हापूर न्यूज नेटवर्क
बारावी परीक्षेचा कोल्हापूर विभागाचा निकाल 93.64 टक्के इतका असून कोल्हापूर विभाग राज्यात दुसऱ्या क्रमांकावर आहे. परीक्षेसाठी सहकार्य करणाऱ्या सर्व घटकांचे आभार! उत्तीर्ण विद्यार्थ्यांचे हार्दिक अभिनंदन कोल्हापूर व कोकण विभागीय मंडळ अध्यक्ष राजेश क्षीरसागर यांनी केले आहे.
कोल्हापूर विभागीय मंडळांतर्गत सातारा सांगली व कोल्हापूर जिल्ह्यात डिसेंबर 2024 पासून म्हणजे परीक्षेपूर्वी अडीच महिन्या अगोदर कॉपीमुक्त परीक्षेसाठी वातावरण निर्मिती करण्यात आली. शाळाप्रमुखांच्या जिल्हानिहाय ऑफलाइन बैठका, शाळास्तरावर शिक्षक पालक यांच्या संयुक्त सभा, विद्यार्थ्यांना कॉपीमुक्तीची शपथ, उत्तरपत्रिकेवरील सूचना व शिक्षासूचीचे वाचन, उत्तरपत्रिका अचूक व नेमकेपणाने कशी लिहावी, परीक्षापूर्व व परीक्षा काळात घ्यायची आरोग्य व आहाराची काळजी, तणावमुक्त पद्धतीने परीक्षेला कसे सामोरे जावे याबाबत उपक्रम राबवण्यात आले. प्राचार्य-मुख्याध्यापकांकडून वेळोवेळी ऑनलाईन बैठकाद्वारे आढावा घेण्यात आला. राज्य मंडळांने दिलेल्या निर्देशाप्रमाणे 20 ते 26 जानेवारी या कालावधीत कॉपीमुक्त अभियान जनजागृती सप्ताह राबवण्यात आला. यामुळे विद्यार्थी शिक्षक पालक यांच्या मानसिकतेत बऱ्याच अंशी बदल झाला आहे. त्यामुळे विद्यार्थी अभ्यासाला लागले, शाळा स्तरावर प्रश्नपत्रिका सोडवण्याचा सराव करून घेण्यात आला.
बारावी परीक्षेचा कोल्हापूर विभागाचा निकाल 93.64 टक्के इतका असून कोल्हापूर विभाग राज्यात दुसऱ्या क्रमांकावर आहे. परीक्षेसाठी सहकार्य करणाऱ्या सर्व घटकांचे आभार व उत्तीर्ण विद्यार्थ्यांचे हार्दिक अभिनंदन विभागीय अध्यक्ष कोल्हापूर व कोकण विभागीय मंडळाच्या वतीने केले आहे.
----------------------------------------