कोल्हापूर न्यूज नेटवर्क
कोल्हापूर जिल्हा माध्यमिक शिक्षण सेवकांची सहकारी पतसंस्थेच्या नुतन चेअरमनपदी सचिन धोंडीराम शिंदे( न्यू इंग्लिश स्कुल नुल ता. गडहिंग्लज ) यांची तर व्हाईस चेअरमनपदी ऋतुजा राजेश पाटील (विद्यापीठ हायस्कुल कोल्हापूर ) यांची संचालक मंडळाच्या बैठकित बिनविरोध निवड करण्यात आली . या निवडी शिक्षक नेते दादासाहेब लाड यांच्या मार्गदर्शनाखाली झाल्या .बैठकीच्या अध्यक्षस्थानी निवडणूक निर्णय अधिकारी महेश शेलार होते . निवडीनंतर समर्थकांनी फटाक्यांची आतषबाजी करून गुलालाची उधळण केली .
निवड प्रक्रियेचे वाचन मुख्य कार्यकारी अधिकारी जयवंत कुरडे यांनी केले .
शाहुुपुरी येथील मुख्य कार्यालयात झालेल्या या बैठकित चेअरमनपदासाठी सचिन शिंदे व व्हाईस चेअरमनपदासाठी ऋतुजा पाटील यांचे एकमेव अर्ज दाखल झाल्याने निवडणूक निर्णय अधिकारी महेश शेलार यांनी या निवडी बिनविरोध झाल्याचे घोषित केले . चेअरमन पदासाठी सचिन शिंदे यांचे नाव संचालक डॉ.दत्तात्रय घुगरे यांनी सुचविले तर अनुमोदन अनिल चव्हाण यांनी दिले. व्हाईस चेअरमन पदासाठी ऋतुजा पाटील यांचे नाव उत्तम पाटील यांनी सुचविले व अनुमोदन शरद तावदारे यांनी दिले.
यावेळी संचालक बाळ डेळेकर, राजेंद्र रानमाळे , दत्तात्रय घुगरे,राजाराम शिंदे मदन निकम, अनिल चव्हाण , उत्तम पाटील, श्रीकांत पाटील , श्रीकांत शिंदे, सुभाष खामकर , अविनाश चौगले , दिपक पाटील , राजेंद्र पाटील , जितेंद्र म्हैशाळे, शरद तावदारे ,प्रकाश कोकाटे, पांडुरंग हळदकर , मनोहर पाटील , आनंदा व्हसकोटी, शितल हिरेमठ आदीसह उपमुख्य कार्यकारी अधिकारी उत्तम कवडे , रमेश मेटील, नितीन शिंदे उपस्थित होते. निवडीनंतर नुतन चेअरमन , व्हाईस चेअरमन यांचा सत्कार शिक्षक नेते दादासाहेब लाड यांच्या हस्ते करण्यात आला . सभासदांनी ' स्वाभिमानी सहकार ' आघाडीवर विश्वास ठेवून चौथ्यांदा एकहाती सत्ता दिली . त्यामुळे सभासदांचे हित डोळ्यासमोर ठेऊन दिलेल्या वचननाम्याची वचनपुर्ती टप्याटप्याने केली जाईल अशी ग्वाही आघाडीप्रमुख दादासाहेब लाड यांनी यावेळी दिली .
आघाडीचे नेते दादासाहेब लाड यांनी आमच्यावर टाकलेला विश्वास सार्थ करण्यासाठी सर्वांना विश्वासात घेऊन काटकसरीचा व आदर्शवत असा पारदर्शी कारभार केला जाईल असे प्रतिपादन सत्काराला उत्तर देताना चेअरमन सचिन शिंदे व व्हाईस चेअरमन ऋतुजा पाटील यांनी केले .
-----------------------------