हाथरस : भोले बाबांच्या सत्संगादरम्यान चेंगराचेंगरी घटना घडली असून यामध्ये 122जणांचा मृत्यू झाला आहे . 150 हून अधिक जखमी आहेत. अनेकांची प्रकृती चिंताजनक आहे. मृतांचा आकडा वाढण्याची शक्यता वर्तविली जात आहे. उत्तर प्रदेश राज्यातील हाथरस मध्ये ही घटना घडली आहे .
अपघातानंतरची परिस्थिती भयावह आहे. रुग्णालयाच्या बाहेर जमिनीवर मृतदेह विखुरलेले आहेत. प्राथमिक माहितीनुसार , हाथरसमध्ये 95 मृतदेह विखुरलेले आहेत. आतापर्यंत हातरसमधून 27 मृतदेह एटामध्ये आणण्यात आले आहेत. यामध्ये 25 महिला आणि 2 पुरुष आहेत. सत्संग मध्ये 20 हजाराहून जास्त लोकांची उपस्थिती होती . सत्संग संपल्यानंतर बाहेर पडतेवेळी गर्दी झाल्याने ही चेंगराचेंगरी झाल्याचे समजते.
कोण आहेत भोले बाबा
भोले बाबांचे खरे नाव नारायण साकार हरी आहे. ते एटा जिल्ह्यातील बहादूर नगरी गावचे रहिवासी आहे. त्यांचे प्रारंभिक शिक्षण एटा जिल्ह्यात झाले. नंतर त्याला यूपी पोलिसात नोकरी मिळाली. लोकल इंटेलिजन्स म्हणजेच LIU मध्ये काम केले. 90 च्या दशकात त्यांनी नोकरी सोडली आणि बाबा बनले. त्याने आपले नाव बदलून साकार विश्वहारी ठेवले. मेळाव्यात त्यांची पत्नीही त्यांच्यासोबत असते. नारायण साकार इतर बाबांप्रमाणे भगवा पोशाख घालत नाहीत. सत्संगात ते पांढरा सूट, टाय आणि शूजमध्ये दिसतात. अनेक वेळा कुर्ता-पायजमा आणि डोक्यावर पांढरी टोपी घालून लोक सत्संगाला येतात. नारायण हरी अनेकदा त्यांच्या सभांमध्ये सांगतात , त्यांना सरकारी नोकरीतून अध्यात्माकडे कोणी खेचले हे त्यांना माहीत नाही. ते कोणतेही दान, दक्षिणा किंवा नैवेद्य स्वीकारत नाहीत. स्वतःला सेवाधारी म्हणवण्यास प्राधान्य देतात.
मृतदेह पाहून कॉन्स्टेबलला हृदयविकाराचा झटका
एटा येथील मेडिकल कॉलेजमध्ये मृतदेहांचा ढीग पाहून ड्युटीवर असलेल्या कॉन्स्टेबल रजनीश (30) यांना हृदयविकाराचा झटका आला. त्याचा जागीच मृत्यू झाला.