कोल्हापूर न्यूज नेटवर्क
खाजगी शाळांमधील संच मान्यता ,शिक्षक भरती , अर्जित रजा रोखीकरण व अन्य प्रलंबित प्रश्नाबाबत बैठक घेऊन खाजगी शाळांचे प्रश्न मार्गी लावू असे आश्वासन शिक्षण राज्यमंत्री नाम पंकज भोयर यांनी दिले . महाराष्ट्र राज्य खाजगी प्राथमिक शिक्षक सेवक समितीच्या वतीने राज्याध्यक्ष भरत रसाळे यांच्या मार्गदर्शनाखाली खाजगी शाळांच्या प्रलंबित मागण्यांचे निवेदन शिक्षण राज्यमंत्री नाम . प्रशांत भोयर यांना दिले . त्यावेळी ते बोलत होते .
यावेळी समितीच्यावतीने त्यांचा सत्कार करणेत आला . राज्यसचिव शिवाजी भोसले व पतसंस्थेचे चेअरमन मच्छिंद्र नाळे यांच्या नेतृत्वाखालील शिष्टमंडळाने दिलेल्या निवेदनांत शिक्षण हक्क कायदा 2009 नुसार खाजगी शाळातील पायाभूत वाढीव पदे मंजूर करावीत , मुख्याध्यापकांचे अर्जित रजेचे रोखीकरण पूर्ववत सुरू करावे , 15 मार्च 2024 चा संचमान्यतेचा आदेश रद्द करावा, 6वी व 7वी मधील वीस पर्यंतच्या पटाला एक शिक्षक पद मंजूर करावा ,चालू वर्षाच्या संच मान्यता 30 सप्टेंबरच्या पटावर द्याव्यात, नपा व मनपा क्षेत्रातील खाजगी शाळांची मेडिकल बिलांची १०० % रक्कम राज्य शासनामार्फत द्यावी, चौथी व सातवी साठीच्या स्कॉलरशिप परीक्षेचा शासनादेश लवकर काढण्यात यावा व शिक्षकांना मेडिक्लेम योजना लागू करावी अशा मागण्या या निवेदनांत करण्यांत आल्या
राज्यमंत्री पंकज भोईरसो यांनी महाराष्ट्र राज्य खाजगी प्राथमिक शिक्षक सेवक समितीच्याच्या पदाधिकाऱ्यांच्या बरोबर बैठक लावून राज्यातील खाजगी प्राथमिक शाळेच्या प्रलंबित प्रश्नमार्गी लावले जातील असे आश्वासन त्यांनी दिले
समितीच्या या शिष्टमंडळामध्ये राज्यसचिव शिवाजी भोसले यांच्यासह विभागीय अध्यक्ष महादेव डावरे , जिल्हाध्यक्ष कुमार पाटील पतसंस्थेचे चेअरमन मच्छिंद्र नाळे ,शहराध्यक्ष आप्पासाहेब वागरे ,ग्रामीण विभाग प्रमुख मुरलीधर पाटील , संस्थाप्रमुख शिवाजी बुवा यांच्यासह अन्य पदाधिकारी उपस्थित होते .
---------------------