कोल्हापूर न्यूज नेटवर्क
मुरगूड शहरांमधील नागरिकांना यंदा आलेल्या घरफाळा आणि पाणीपट्टी मध्ये मोठ्या प्रमाणात वाढ झाल्याचे आढळून आले आहे.अनेक नागरिकांना थकीत फाळा दाखवून ज्यादा घरफाळा आणि पाणीपट्टी आकारणी बिले आली आहेत.
या वाढीव कराच्या विरोधात आज मुरगूड शहरातील नागरिकांनी एकत्र येत नगरपालिकेचे मुख्याधिकारी अतिश वाळुंज यांना याबाबतचे निवेदन दिले व या प्रकाराकडे लक्ष देण्याची मागणी केली. मुरगुड शहरातील नागरिक हे दरवर्षी या वाढीव कराच्या विरुद्ध आवाज उठवत असतात. मुरगुड नगरपालिका ही क वर्ग नगरपालिका आहे .या ठिकाणची अनेक कुटुंबे ही हातावरचे पोट घेऊन जगणारी आहेत .अल्प उत्पन्न असणाऱ्या या कुटुंबांना वाढीव कराचा मोठा फटका बसत आहे .तसेच शहरातील इतरही अनेक कुटुंबे ही शेतीवर अवलंबून आहेत. त्यामुळे हे वाढीव कर भरणे त्यांना अशक्य होत आहे .त्यामुळे नागरिकांनी आज मुख्याधिकारी यांचे या गोष्टीकडे लक्ष वेधले आहे. परिस्थिती चे गांभीर्य लक्षात घेऊन वाढीव कर पूर्ववत मागील प्रमाणे करावा अशी मागणी केली आहे.
----------------------------------