कोल्हापूर न्यूज नेटवर्क
देवचंद कॉलेज, अर्जुननगर, क्विक हील फाऊंडेशन, पुणे आणि कर्नाटक पोलिस, सर्कल ऑफिस निपाणी यांच्या संयुक्त विद्यमाने सायबर सुरक्षिततेबाबत जनजागृती रॅलीचे आयोजन करण्यात आले.याच्या उद्घाटनप्रसंगी महाविद्यालयाच्या प्राचार्या प्रो. डॉ. जी. डी. इंगळे यांनी विद्यार्थ्यांना सायबर सुरक्षा ही आजच्या काळाची गरज असल्याचे सांगत डिजिटल जगात जबाबदारीने वर्तन करण्याचे आवाहन केले. तसेच प्रा. प्रशांत कुंभार यांनी 'सायबर शिक्षा फॉर सायबर सुरक्षा' या उपक्रमाची माहिती सांगितली.
सायबर सुरक्षिततेसाठी जनजागृती रॅली मुरगूड ब्रिज परिसरातून निपाणी सर्कलचे सी. पी. आय. मा. श्री. बी. एस. तळवार यांनी रॅलीला हिरवा झेंडा दाखवून रॅलीची सुरुवात केली.चन्नम्मा सर्कल व राम मंदिर येथे देवचंद कॉलेजच्या सायबर वॉरीयर्सनी पथनाट्य, रॅप व कविता अशा स्वरूपात लोकांना ऑनलाईन फसवणूक, सोशल मीडियावरील धोके, OTP व बँक माहिती गुप्त ठेवण्याचे महत्त्व, तसेच सायबर गुन्ह्यांपासून बचावाचे उपाय यावर मार्गदर्शन केले.
या प्रसंगी कर्नाटक पोलिस अधिकारी पी. एस. आय. श्री. शिवानंद कार्जोळ, पी. एस. आय. श्री. रमेश पवार व पी. एस. आय. श्री. नायकवडी, कर्नाटक पोलीस पथक, क्विक हील फाऊंडेशन देवचंद कॉलेज क्लबचे प्रतिनिधी, कनिष्ठ महाविद्यालयाचे पर्यवेक्षक मेजर डॉ.अशोक डोनर, एन.एस.एस. कार्यक्रम अधिकारी प्रा.विष्णू पाटील, सदस्य बिपिन पाटील, अशोक कुराडे, श्रीमती राणी सोकासने, श्रीमती आशा साळुंखे, श्रीमती पी.बी.शेटके, डॉ.सी.एम.नाईक, डॉ.रमेश साळुंखे, डॉ.यादव प्रा.सागर परीट इत्यादी शिक्षकवृंद,एन. सी. सी. कॅडेट्स, व्हाईट आर्मी व एन.एस.एस.स्वयंसेवक मोठ्या संख्येने उपस्थित होते. हा उपक्रम यशस्वी करण्यासाठी जनता शिक्षण मंडळाचे अध्यक्ष श्रीमान आशिषभाई शाह, उपाध्यक्षा, डॉ. सौ.तृप्तीभाभी शाह, खजिनदार श्री सुबोधभाई शाह यांचे मार्गदर्शन लाभले.
----------------------