भारतीय तरुण राजकारणापासून हळूहळू दूर जात आहेत : राजकीय पक्ष आणि नेत्यांवर विश्वास नाही : तरुणांच्या सर्वेक्षणावर आधारित अहवाल

            

  नवी दिल्ली  : भारतातील तरुणांमध्ये देशभक्तीची भावना आहे पण त्यांना राजकीय पक्ष आणि नेत्यांवर विश्वास नाही.

व्हॉइस फॉर इन्क्लुजन, बेलाँगिंग अँड एम्पॉवरमेंट (VIBE) आणि प्रोजेक्ट पोटेंशियलच्या अहवालानुसार, ८१% भारतीय तरुणांमध्ये देशभक्तीची तीव्र भावना आहे. म्हणजे ते स्वतःला प्रथम भारतीय मानतात, परंतु ३१% लोक वैयक्तिक ओळखीला अधिक महत्त्व देतात.

२०२४ च्या लोकसभा निवडणुकीत मतदान न करण्याचे कारण ४३% तरुणांनी घराबाहेर राहिल्याचे सांगितले आहे. तर १८% लोकांनी सांगितले की त्यांना राजकीय पक्षांवर विश्वास नाही. या अहवालातून असे दिसून आले आहे की भारतीय तरुण हळूहळू राजकारणापासून दूर जात आहेत.

देशातील २९% तरुण राजकारणापासून पूर्णपणे दूर आहेत. २६% लोक कोणत्याही पक्षाशी संलग्न नसतानाही राजकीय चर्चेत भाग घेतात. फक्त ११% लोक कोणत्याही पक्षाचे सदस्य आहेत.

VIBE ने तयार केलेला हा अहवाल  तरुणांच्या सर्वेक्षणावर आधारित आहे. 

   --------------------------------