पुणे : ग्रामीण भागातील खत विक्रेत्याकडे खताच्या पोत्यावरील किमतीपेक्षा जादा दराने खत विक्री होत आहे. विशेषकरून युरिया खताची किंमत २६५ रूपये असताना टंचाई दाखवून जवळपास ३०० ते ४०० रुपयांना विकले जात आहे.सर्व शेतकऱ्यांनी कुठेही लिंकीग अथवा छापील किमतीपेक्षा जादा दराने खताची विक्री होत असेल तर संबधित जिल्ह्यातील स्वाभिमानी शेतकरी संघटनेच्या पदाधिकारी यांना संपर्क साधावे त्यांना खते उपलब्ध करून दिली जातील. मात्र लिंकींगने बोगस खताची खरेदी करू नये असे आवाहन राजू शेट्टी यांना केले आहे.
कृषी विभागातील अधिकारी यांचे सदर लिंकीग व जादा दराने होत असलेल्या विक्रीवर कोणाचेच नियंत्रण राहिलेले नाही. राज्य सरकारमधील मुख्यमंत्री व कृषिमंत्र्यांनी फक्त वल्गना केल्या आहेत. राज्याच्या गुण नियंत्रण विभागाचे या खत कंपन्यांवर कोणतेच नियंत्रण राहिले नसून कृषी विभागातील अधिकारी सर्रास कृषी दुकानदारांकडून हप्ते गोळा करत असून कृषी विभागातील अनेक अधिकाऱ्यांचे खत कंपन्यासोबत भागीदारी व आर्थिक हितसंबंध आहेत. सदर लिंकीग व जादा दराने होणारी खत विरक्री थांबविण्यासाठी राज्य सरकारने थेट अनुदानित खताचे रेट आल्यानंतर सदरची अनुदानित खते थेट किरकोळ विक्रेत्यांना देवून खत पुरवठा करण्याबाबतचे धोरण अवलंबवावे असेही राजू शेट्टी म्हणाले.
----------------------------