कोल्हापूर न्यूज नेटवर्क
टीईटी परीक्षेच्या अन्यायकारक निर्णयाविरोधात महाराष्ट्र शासनाने पुनर्विचार याचिका दाखल करावी या व इतर मागणीसाठी राज्यातील सर्व शिक्षक संघटनांनी दि. 8 नोव्हेंबर रोजी पुकारलेल्या मूक मोर्चात कोल्हापूर जिल्ह्यातील 100 टक्के शिक्षक सहभागी होतील असा विश्वास शिक्षक आमदार जयंत असगावकर यांनी व्यक्त केला.
मुख्याध्यापक संघ कोल्हापूर येथे झालेल्या शैक्षणिक व्यासपीठाच्या बैठकीत ते बोलत होते. बैठकीच्या अध्यक्षस्थानी शैक्षणिक व्यासपीठाचे अध्यक्ष राहुल पोवार होतो.
आमदार असगावकर पुढे म्हणाले संघटनेने यापूर्वी 4 ऑक्टोबर रोजी होणारा मूक मोर्चा शिक्षणमंत्री डॉ. पंकज भोयर यांनी 1 ऑक्टोबर रोजी नागपूर बैठकीत दिलेल्या आश्वासनानंतर स्थगित करण्यात आला होता. मात्र शासनाने शिक्षकांची फसवणूक केली असून अद्याप टी ई टी विरोधात सर्वोच्च न्यायालयात पुनर्विचार याचिका दाखल केली नाही व टी ई टी संदर्भात शासनाने शिक्षकांच्या बाजूने कोणतीही भूमिका जाहीर न केल्याने राज्यातील शिक्षक वर्गामध्ये तीव्र नाराजी आहे. या पार्श्वभूमीवर आता राज्यातील प्राथमिक, माध्यमिक व उच्च माध्यमिक शिक्षक संघटनांनी एकत्र येऊन 8 नोव्हेंबर रोजी सर्व जिल्हाधिकारी कार्यालयांवर भव्य मूक मोर्चाचे आयोजन केले आहे.
मोर्चा आंदोलनात दि. 15 मार्च 2024 चा संचमान्यतेचा अन्यायकारक शासन निर्णय रद्द करण्यात यावा, शिक्षण सेवक पद कायमचे रद्द करण्यात यावे आणि वस्तीशाळा शिक्षकांची सेवा मूळ रुजू दिनांकापासून ग्राह्य धरावी, जुनी पेन्शन योजना सर्वाना लागू करावी, 100% पदवीधर शिक्षकांना पदवीधर वेतनश्रेणी लागू करावी याही मागण्या करण्यात येणार आहेत.यावेळी भरत रसाळे, राजाराम वरुटे, प्रसाद पाटील, सुधाकर सावंत, संभाजी बापट यांनी मनोगत व्यक्त केले.
बैठकीस एस के पाटील, बबन केकरे, सर्जेराव सुतार, बाबाबासाहेब पाटील, टी. आर. पाटील, दिलीप माने, काकासाहेब भोकरे, सतीश लोहार, मनोहर जाधव, बाजीराव कांबळे, संजय गांगण, दिपक जगदाळे आधी संघटना प्रतिनिधी उपास्थित होते.
-------------------
मोर्चाची सुरुवात दसरा चौक येथून दु. 1 वाजता होणार असून मोर्चा दसरा चौक - व्हिनस कॉर्नर - जिल्हाधिकारी कार्यालय येथे सांगता होईल. तरी जिल्ह्यातील सर्व प्राथमिक, माध्यमिक व उच्च माध्यमिक शिक्षकांनी उपस्थित रहावे असे आवाहन मुख्याध्यापक संघटनेचे अध्यक्ष राहुल पोवार यांनी केले.
------------------------