मुंबई : महाराष्ट्राचे मुख्यमंत्री देवेंद्र फडणवीस यांच्या पत्नी अमृता फडणवीस यांनी मराठा आरक्षण कार्यकर्ते मनोज जरांगे पाटील यांना आपला भाऊ म्हटले आहे. बुधवारी रात्री नागपूरमधील एका कार्यक्रमानंतर त्या म्हणाल्या- जरांगेजी माझे भाऊ आहेत. ते माझ्या घरी जेवायला यावेत अशी माझी इच्छा आहे.
जरांगे गेल्या 13 दिवसांपासून जालना जिल्ह्यातील आंतरवाली सराटी गावात मराठा समाजाला ओबीसी अंतर्गत आरक्षण देण्याच्या मागणीसाठी आंदोलन करत आहेत. जरांगे ओबीसी आरक्षणासोबतच हैदराबाद आणि सातारा गॅझेटमधील नोंदी लागू करण्याची आणि पात्र मराठा लोकांना कुणबी जात प्रमाणपत्र देण्याचीही मागणी करत आहेत.
त्यांच्या आंदोलनादरम्यान, मुख्यमंत्री फडणवीस यांनी मंगळवारी सांगितले होते की, सरकार संविधानाच्या चौकटीत जे काही शक्य असेल ते करेल. आम्ही चर्चेचे दरवाजे कधीही बंद केलेले नाहीत. त्यांनी हेदेखील स्पष्ट केले की, एका समाजाच्या वाट्याचे आरक्षण घेऊन दुसऱ्या समाजाला दिले जाणार नाही.
दरम्यान , मुख्यमंत्री देवेंद्र फडणवीस यांच्या पत्नी अमृता फडणवीस यांनी दिलेले जेवणाचे निमंत्रण आपण स्वीकारत आहोत. परंतु सध्या भाऊ मैदानात असताना बहिणीने जेवण्यासाठी भाऊला बोलवू नये. मी भाऊबीजेला जेवायला येईन. बहिणीने आम्हाला भाऊबीजेला बोलवावे, साडीचोळी घेऊन जाऊ, असे मनोज जरांगे यांनी म्हटले आहे.
-----------------------